一生只有一个（白话版）
~~~哥哥~~~好似系前晚同哥哥向QQ度倾过计，哥哥同我讲话渠果日好威，比一间全国排名第四既印刷公司叫去签约，渠话从初试到复试再到面试，渠挥低左个研究生！哎，我哥哥就系甘噶喇，系都要向我面前SHOW下，哈哈！其实唔系喇，我呢个哥哥真系几有内涵噶，所以由细到大我都好中意同渠倾计，因为渠真系教到我好多野！
哥哥大我3岁，可能细个开始就已经叫渠哥哥啦，到衣家都已经20岁人喇，我中系叫渠哥哥。其实有时我会觉得好肉麻噶，“哥哥，哥哥。。。”不过其实觉得好亲切，就算几大个，渠始终都系我哥哥，呢个道理系妈妈教我噶，妈妈话我一世人先得一个堂大佬，既然无亲生既大佬，就已经将哥哥当左系亲生大佬喇！细个果时，有咩也食，我肯定会留翻一D俾哥哥食噶。而且细个果时我地一齐住，大人都话以前细个我地连一张纸都要争到喊，甘细个肯定系甘噶啦，增进感情啊嘛！不过有D野真系好难解释噶，到我搬走左，我会觉得自己好寂寞，就算同哥哥一齐会争野玩，但系我宁愿系永远甘一齐住。中记得细个，我经常会向哥哥既带领下做D自己一个人系唔敢做既野，例如，爬屋顶啦，谂翻起我衣家肯定唔敢。果时我应该中翻紧幼稚园啊。。。中有一次系开左一楼既门又唔关门，而且嬷嬷向度忙紧，点知有个和尚行左入屋啊！！反正我记得只要有一个唔向度，另外一个肯定会问对方既行踪。。。哈哈，我同我哥哥就系甘噶喇！
我地都逐渐大个喇，我地又唔同住，又忙住读书，读中学果时都可以一至两个星期见一次面既。而且哥哥见识广博，可以教我好多野，反正我有咩唔识既除左问爸爸妈妈就系哥哥喇！连我高考既报自愿，我都系听哥哥话噶，因为我相信渠。后来哥哥中去左北京读大学添，见面既机会就更少喇，还好，通讯发达，我地中系保持联络，虽然唔系经常，但系我觉得我地两兄妹关系中系好好噶！！中记得以前叔叔讲过，如果我系个男既就好啦，可能哥哥早就当我系个细佬啦，唔知系米呢！！哈哈！
时间过得好快啊，哥哥今年毕业喇。。哥哥好犀利，前段时间已经同中荣签左约喇，过年果时我地去南朗食完鸭粥果时去睇过间中荣，真系好有规模，果时我好羡慕哥哥噶，都唔知到时我毕业有无公司要啊！！其实由细到大，我咩都话要跟住哥哥噶，读幼稚园，我要同哥哥一间学校；读小学，我又要同哥哥一齐。到左读中学喇，轮唔到我地选择，电脑派位，哥哥去左侨中，而我去左一中，派到我去一中果时我中同爸爸讲话要去哥哥果间，因为我中系想同哥哥一齐啊。。。不过我始终选择左一中。而且同哥哥一齐会有好多话题，哥哥亦好相信我，会同我讲好多知心话，人地话呢D系兄妹既一种缘分！
人与人之间既野好难讲清楚，我唔知我可以活到几岁，不过就算几岁，哥哥都系我哥哥，呢个唔会变噶！我知道哥哥既责任好大，不过无论点样，做妹既肯定会支持你噶，因为你向我心目中系一个好哥哥，你一定店噶！！
好多好多野，好多好多话。。。我一时间讲唔晒。我就系知道当我打完呢篇文章，我已经泪流满面喇！亲情真系好重要，而且亲情向我心目中永远都系第一位噶！
哥哥，加油啊！！全世界支持你噶！（呢句系哥哥响我高考前一晚同我讲噶）
各位大四师兄师姐，希望你地都稳到理想既工作噢~~ -------转自学校内网论坛 我也有个哥哥，非一般低调人士，沉默，事实上辩论高手
页:
[1]